Gjykata e Posaçme e Apelit ka lënë sot në fuqi dënimin për ish-shefin e policisë së Dhërmiut, Sokol Bode.
Ai u dënua në Prill të vitit të shkuar nga Gjykata e Posaçme me 12 vjet heqje lirie, dënim që iu ul në 8 vjet për shkak të gjykimit të shkurtuar.
Bode u dënua për përfshirje në trafik droge e grup të strukturuar kriminal. Ai u shpall fajtor për këto vepra pasi SPAK provoi se ishte një nga bashkëpunëtorët e grupit Habilaj.
Sokol Bode u hetua në të njëjtën dosje me ish-ministrin e Brendshëm, Saimir Tahiri dhe ish-drejtorin e Policisë Vlorë, Jaeld Çela të dënuar me nga 3.4 vite burg në prill të këtij 2022.
