Një zjarr ka përfshirë një apartament në katin e katërt të një pallati në Korçë.
Ngjarja ka ndodhur në lagjen 17 në orën 14:30. Shkak dyshohet se ka qenë shpërthimi i bombolës së gazit.
Për pasojë kryefamiljari K. Gj. rreth 40 vjeç ka pësuar djegie trupore dhe u dërgua për mjekim në spitalin e Korçës ku ndodhet jashtë rrezikut për jetën.
Grupi hetimor po punon për sqarimin e rrethanave të ngjarjes dhe përcaktimin e shkaqeve të rënies së zjarrit.
