Ka shkuar në 220 numri i kamerave të çmontuara dhe në 44 numri i personave për të cilët janë iniciuar hetime të thelluara në Tiranë. Sot policia njoftoi se janë çmontuar dhe 65 kamera të vendosura në kundërshtim me ligjin.
Aksioni u zhvendos në Rrugën e Vilave, “Azem Hajdari”, “Azem Galica”, “Europa”, “Sabri Preveza”, “Sarina”, “Staf Melani”, “Ali Kelmendi”. Në vijim të veprimeve procedurale për këto raste, janë iniciuar hetimet për personat me inicialet I. D., J. M., A. P., E. L., M. B., F. Ll. (L)., F. A., L. Rr., dhe I. K.
Më herët, nga strukturat janë çmontuar 155 kamera dhe u iniciuan hetimet për 37 persona të tjerë. Kamerat ishin vendosur me qëllim sigurimin e informacioneve, për qëllime kriminale, si dhe për të monitoruar lëvizjet e policisë.
Këputen “fijet” e krimit edhe në Elbasan, çmontohen 37 kamera, nën hetim 10 persona!
