Ditën e sotme Gjykata e Apelit ka lënë në fuqi vendimin e gjykatës së Rrethit Gjyqësor Lezhë për dënimin me burgim të përjetshëm të Aleksandër Përdodës për vrasje të dyfishtë. Aleksandër Përdorda vrau më 27 prill 2020 rapsodin Kol Muranin dhe mikun e tij Preng Simoni, pasi zbuluan parcelat me kanabis.
“Në përfundim të gjykimit, më datë 01.02.2023, Gjykata e Apelit të Juridiksionit të Përgjithshëm, e përbërë nga trupi gjykues me Relatore Gjyqtare znj. Vojsava Osmanaj dhe anëtarë z. Genti Dokollari dhe znj. Valbona Vata, vendosi: Lënien në fuqi të vendimit Nr. 162, datë 27.04.2022 të Gjykatës së Rrethit Gjyqësor Lezhë” njofton gjykata e Apelit të juridiksionit të përgjithshëm që tashmë është në Tiranë.
