Kuvendi i Shqipërisë ka nisur aty ku u mbyll seanca e kaluar, debat dhe bllokim të foltores. E ndërsa kryeministri Edi Rama mungon në këtë fillim seance, nuk dihet nëse në vijim do të jetë i pranishëm për interpelancën me grupin e Enkelejd Alibeajt apo do ia japë të drejtën për t’u përgjigjur Elisa Spiropalit.
Deputeti i PD-së, Luçiano Boçi nga grupi i Sali Berishës kërkoi ndryshimin e rendit të ditës dhe faktin që të pranohet interpelanca e grupit të tij me Edi Ramën. Në foltore e shoqëruan deputetët e tjerë të grupit të Berishës duke e bllokuar.
“Nuk gjeta asnjë arsye për përjashtimin e deputetëve të PD-së për 10 ditë. Ata kërkuan fjalën e tyre sepse opozita po eliminohet.
Duhet të ndryshohet rendi i ditës. Edi Rama duhet të vijë këtu. Ai ka korruptuar zyrtarin e FBI-së, duhet të dalë me pranga nga Kuvendi” tha ai. Lindita Nikolla i hoqi fjalën duke shkaktuar debate.
