Një tjetër pastruese u arrestua sot nga policia e Tiranës. Ajo quhet Elida Kodra dhe akuzohet se ka vjedhur para në banesën ku ka qenë e punësuar. Sipas policisë, pastruesja ka marrë 2000 Euro, 300 Dollarë dhe 35 mijë Lekë në banesën e një qytetari ku ajo supozohej t’i mirëmbante shtëpinë.
Gjatë kontrollit të çantës së Kodrës u gjetën dhe sekuestruan në cilësinë e provës materiale, 840 euro, 600 dollarë dhe 40 900 lekë të rinj.
Ky nuk është rasti i parë i arrestimit të pastrueseve që punësohen për të mirëmbajtur banesat. Më herët është vënë në pranga Rozeta Dobi dhe djali i saj me akuzën se vodhën 120 mijë Euro nga shtëpia e Alda Klosit.
Pas hetimeve u zbulua se nënë e bir kishin të fshehura në shtëpi edhe 400 mijë Euro të tjera. Në lidhje me këtë rast është vënë në pranga edhe pronarja e shtëpisë Alda Klosi për fshehje të pasurisë, pastrim parash dhe deklarim të rremë para oficerit të policisë.
