Gjykata e Tiranës ka lënë në burg pa afat Brikena Frakullin 40-vjeçe, e arrestuar pak ditë më parë si drejtuese e një grupi që merrej me shpërndarje të lëndëve narkotike në kryeqytet, kokainë dhe heroinë, ndërsa gjatë operacionit iu gjetën dhe sekuestruan rreth 100 mln lekë. Pamjet që janë prova e fortë e hetuesve tregojnë momentin e shitjes së drogës në Tiranë.
Ajo ka marrë përgjegjësinë duke pranuar gjithçka për të shpëtuar djalin dhe dy personat e tjerë. “Im bri, Klevi Banushi ishte rastësisht në banesë. 3 të arrestuarit e tjerë nuk kanë lidhje me trafikun e drogës. Hortenca Biçaku është dadoja e vajzës dhe Artur Kristo punonjës i fermës” tha ajo.
Megjithatë, tre të arrestuarit e tjerë janë që janë lënë në burg janë; Hortenca Biçaku 41 vjeçe, Klevi Banushi 20 vjeç dhe Artur Kristo 45 vjeç. Nga operacioni i koduar ‘Kutia e Pandorës’ janë sekuestruar 6 kilogramë heroinë e kokainë dhe 1100 doza heroinë e kokainë.
Po ashtu janë sekuestruar 83.555 euro, 420.000 lekë të rinj, 2 automjete, 2 motoçikleta, 3 peshore elektronike dhe 4 aparate celulare.
Sipas hetimeve të kryera përgjatë një muaji nga Prokuroria dhe Policia, rezulton se Frakulli siguronte lëndën narkotike në sasi të mëdha te një person, identiteti i të cilit për shkak të hetimeve nuk është bërë i njohur nga autoritetet.