Presidenti i Turqisë, Recep Tayyip Erdogan, tha se numri i viktimave nga tërmeti i fuqishëm ka shkuar në 912, ndërkaq numri i përgjithshëm nga tërmeti që goditi edhe Sirinë, arrin në mbi 1.300 persona. Tërmeti prej 7.8 shkallësh të Rihterit goditi të hënën juglindjen e Turqisë dhe veriun e Sirisë. Presidenti turk tha se 5.400 persona janë plagosur, ndërkaq 2.470 të tjerë janë nxjerrë nga rrënojat.
Horrible footage of widespread earthquake damage in the Turkish city of Kahramanmaraş.#Turkey #Turkiye #Syria #earthquake #deprem #Türkiyem #ACİL pic.twitter.com/epUsa2RxoG
— World Times (@WorldTimesWT) February 6, 2023
Afër 3.000 ndërtesa janë rrëzuar nga tërmeti, tha ai. Dëmet kolosale janë shkaktuar edhe në banesa. World Times ka publikuar pamje nga qyteti turk i Kahramanaras, ku situata duket e tmerrshme. Thuajse i gjithë i qyteti është i sheshuar dhe nën rrënoja. Situata duket e njëjtë me atë në Ukrainë, ku raketat e Putinit kanë asgjësuar shumë qytete ukrainase, por në Turqi kjo situatë është krijuar nga natyra dhe jo nga dora e njeriut.
