Ditë më parë, kryeministri i Kosovës, Albin Kurti deklaroi se do e pranojë marrëveshjen për Asociacionin e Komunave Serbe nëse plotësohen gjashtë kushte të propozuara nga ai.
Në mesin e gjashtë kushteve që përmendi Kurti, ishte edhe njohja reciproke nga ana e Serbisë.
Këtë propozim të Kurtit e ka hedhur poshtë presidenti serb, Aleksandar Vuçiç.
Vuçiç ka thënë se nuk do të ketë njohje reciproke në mes Kosovës dhe Serbisë.
“Populli serb, qytetarë të Serbisë. Agjentja perëndimore Rada Trajkoviç po thotë se unë kërkojë mbrojtje për familjen time, jo shpëtim për popull serb në Kosovë. Ajo gënjen, sikurse ata deputetë në Kuvend që folën marrëzira”, deklaroi Vuçiç.
Tutje, ai theksoi se po e mbron Serbinë dhe se njohja reciproke është vetëm një ëndërr.
Kurti dhe Vuçiç të hënën u takuan ndaras me emisarin e BE-së për Dialog, Miroslav Lajçak me të cilin diskutuan për Asociacionin e komunave serbe dhe dialogun Kosovë-Serbi./Insajderi
