Mesditën e sotme në Shqipëri u regjistrua një lëkundje sizmike me magnitudë 3.9 ballë e shkallës rihter. Tërmeti ka ndodhur në orën 11:57:35. Epiqendra ka qenë në Librazhd.
Thellësia ka qenë 2 km dhe kjo ka bërë që të ndihet shumë lëkundja. Lëkundja ka shkaktuar panik te qytetarët nisur nga tragjedia në Turqi.
Por a ka lidhje lëkundja sot në Shqipëri me tërmetin në Turqi?
Sizmologu Rrapo Ormeni thotë jo, duke qetësuar qytetarët. Ai shprehet se këto janë tërmete të zakonshme në Shqipëri.
“Jo, nuk ka lidhje me tërmetin në Turqi. Këto janë tërmete të zakonshme në vendin tonë” tha sizmologu.
