Këshilli i Legjislacionit ka dorëzuar sot në Kuvend për të seancën e radhës plenare dy raporte për kërkesën e PD-së për shkarkimin e kryetares Lindita Nikolla.
Deputetët e opozitës kërkojnë shkarkimin e Nikollës me argumentin se ka shkelur rregulloren në dy seancat e fundit që deputetët e PD-së bllokuan foltoren. 13 prej tyre u përjashtuan.
Deputetët e PD-së Dhurata Çupi dhe Saimir Koreshi pohuan se relator i çështjes ishte zoti Gazment Bardhi, i cili është përjashtuar nga punimet e Kuvendit. Sipas tyre përjashtimi i deputetëve të PD-së është bërë me qëllim që të kalojë për votim nga maxhoranca ky raport.
“Palaçot e Komisionit të Etikës votuan. Ky komision duhet të kishte marrë vendim para 6 ditësh. Vetë e firmosën dhe pastaj vijnë të hënën. Ky është një maskaradë që bëjnë, por ndoshta përgjigjen e marrin nesër”, tha Korreshi.
