Ministri turk i Drejtësisë, Bekir Bozdag në një konferencë për shtyp është shprehur se ka nisur hetimi ndaj ndërtuesve në rajonet e prekura nga tërmeti.
“Zyra e prokurorit ka nisur hetimin. Kushdo që ka faj, kushdo që ka neglizhuar, do të dërgohet para drejtësisë dhe do të mbajë përgjegjësi,” u shpreh Bozdag.
Ministri theksoi se 206 prokurorë janë caktuar nga Këshilli i Gjyqtarëve dhe Prokurorëve për proceset gjyqësore që pritet të mbahen së shpejti.
Tërmeti në Turqi dhe Siri ka shkaktuar mbi 22 000 viktima, pasi mijëra ndërtesa u shembën.
Inxhinieri Kishor Jaisëal tha për CNN se Turqia ka eksperiencë me tërmetet dhe shumë rajone të këtij vendi kanë ndërtesa rezistente, por jo të gjitha janë ndërtuar sipas standardeve moderne.
