Sali Berisha i bëri thirrje SHBA-së, PE-së dhe vendeve mike që të hetojnë veprimtarinë e qeverisë Rama dhe makinacionet kundër opozitës. “I bëj thirrje qeverisë së SHBA-së, kongresit, le të hetojnë. Cfarë ndodhi këto vite me opozitën shqiptare? Le të hetojnë veprimtarinë e Sorosit që bëri gjithçka për të ngritur në piedestal një kryekorroptuar që është varur në shtyllën e turpit.
I bëj thirrje PE-së, qeverive të vendeve mike, të hetojnë skandalet e Duçkës dhe Ramës që janë zinxhir. Ne do të vazhdojmë betejën tonë të pamposhtur deri në fitoren e plotë. Unë e di që ju keni ardhur të përgatitur për betejë dhe ne jemi në betejë por thirrja ime është që të shndërrohemi në qytetar të revoltuar protestues. Të vazhdojmë revolucionin tonë deri në fitore. Thirrja ime është që cdo ditë të bëjmë gjithçka për t’i shkurtuar jetën këtij regjimi” tha ai.
