Ish-presidenti Ilir Meta u shpreh i bindur se numërimi mbrapsht për largimin e Edi Ramës ka filluar dhe nuk do të ndalet. Nga protesta, kryetari i partisë së Lirisë tha se populli është në varfëri totale për shkak të keqqeverisjes.
“Populli nuk do të lejojë më Ramën që të uzurpojë zyrën e kryeministrit që e ka kthyer në një çerdhe mafioze. Në këto dy javë të gjitha shkollat e vendit janë pa ngrohje. Ky është rezultat i “Ramaformës”. Për t’i dhënë fund braktisjes së bujqësisë.
Sot me ne janë të gjithë shqiptarët në varfëri, 2/3 e të gjithë shqiptarëve që jetojnë sot këtu. Janë të gjithë të rinjtë dhe të rejat. Sot me ne janë pensionistët.
Janë gjithashtu të gjithë biznesmenët e ndershëm që kanë falimentuar për shkak të taksave të larta dhe gjobëvënësve të bashkisë dhe qeverisë. Edi Rama është subjekt për drejtësinë” tha ai.
