Deputeti i Partisë Demokratike, Agron Gjekmarkaj ka reaguar për mes një postimi në llogarinë e tij në Facebook pas protestës së zhvilluar sot nga opozita para kryeministrisë.
Në një reagim, Gjekmarkaj shprehet ndër të tjera se revolucioni nuk bëhet me autobusë, por me frymë.
“Po vazhduam kështu Edi Rama herën tjetër do shfaqet me një skulpturë tjetër duke na ekspozuar hallatet e saj të bëshme se sot ishte përmbajtur. Çdo premtim i pa mbajtur i ul vlerën atij që do bëhet. Çdo dështim i jep forcë kundërshtarit. Të dyja bashkë i zgjasin jetën qeverisë dhe lidershipit të Opozitës që nuk bind.
Nëse revolucioni duhet vetëm për kaq, hajt gëzuar ! Nuk është trimëri e madhe të bësh kasandrën kur gjërat shihem qartë po edhe të thuash fluturon gomari kur ai po ngordh me ngjan poshtërsi! Te heshtësh është opsion i përkohshëm por jo afatgjatë. Herë pas here e vërteta ti shton armiqtë. Shumëkush të gjykon me fjalët e tjetrit, me sytë e tij të sheh. Nga dëshpërimi të shajnë, të etiketojnë por tani njerëzorë është. Po dehja duhet të marrë fund. Sa më parë të bëhemi esëll aq më shpejt do të jemi Opozita që vendi kërkon dhe ndryshimi pret. Te dehur do mbetemi të mundur. Kaq gjatë të mundur vëmë në rrezik vendin dhe natyrën e tij politike duke i dhënë fuqi kësaj qeverie të shndërrohet në regjim”, shkruan Gjekmarkaj në Facebook.
