Anticikloni i Azoreve ka përfshirë Evropën Qendrore, i cili do të shtrihet drejt gjerësive gjeografike të Mesdheut ku priten rritje e temperaturave në territorin e Shqipërisë.
E Martë, data 14 Shkurt 2023
Moti do të jetë me kthjellime dhe vranësira mesatare në pjesën e parë të ditës në Jug-perëndim, mëngjesi dhe mbrëmja do të jenë të ftohta në Verilindje dhe Juglindje me prani të ngricave por edhe mjegull.
Era do të jetë me drejtim Veri-PerËndim me shpejtësi 8-15 m/sek në bregdetin e Jonit. Valëzimi do të jetë i forcës 3-4 me lartësi vale 1,0 deri në 1,5 metër në det të hapur. Temperaturat do të jenë me rritje graduale.
Temperaturat minimale dhe maksimale:
Zona malore -2/9°C
Zona e ulët -1/16°C
Zona bregdetare 6/16°C
Kosova, e martë data 14 Shkurt 2023
Moti do të jetë me kthjellime , ngrica , akull dhe mjegull të ngrirë në mëngjes dhe mbrëmje . Era do të jetë me drejtim Veri-lindje me shpejtësi 8 m/sek. Temperaturat do të luhaten në ekstremet e tyre -4 C në mëngjes ndërsa në mesditë do të jenë me rritje 7°C – 9°C .
