Ndërtesat e ndërtuara keq ndonjëherë mund të jenë më pak fatale. Ndërsa shumica e shtyllave po shemben, të tjera mbeten në vend duke shpëtuar jetë në rrënoja, si një grua 45-vjeçare në Turqi, e cila u nxor e gjallë nga rrënojat mëngjesin e së mërkurës, më shumë se nëntë ditë pas tërmetit vdekjeprurës.
Sipas mediave, gruaja u shpëtua nga një ndërtesë në epiqendrën e tërmeteve të 6 shkurtit, Kahramanmaras, pas rreth 222 orësh të bllokuar. Pamjet televizive treguan shpëtimtarët që mbanin gruan, e identifikuar si Melike Imamoglu, të lidhur në një barelë, në një ambulancë.
Siç shpjegoi një pjesëtar nga ekipi i kërkim shpëtimit në televizionin turk, ka shumë raste ndërtesash ku dyshemetë jo thjesht kanë rënë mbi njëra-tjetrën, por për shkak se disa kolona ose mure ishin më të forta se të tjerat nga ndërtimi, ndërtesat e apartamenteve u shembën duke u rrotulluar “si një vidë që zbret duke përdredhur”.
“Kjo mund të shihet nga shtëpitë ku mobiliet e një apartamenti janë papritur në kuzhinën e një tjetri, ndërsa shkallët dhe zonat e tjera mbeten praktikisht të paprekura.
Në raste të tilla ndodh që njerëzit të mbeten të bllokuar për ditë të tëra, por me ajër të mjaftueshëm për të marrë frymë, siguri nga pasgoditjet dhe në pak raste, akses në furnizime si ushqim dhe ujë” tha ai. Në total, numri i të vdekurve ka tejkaluar 41,000 në Turqi dhe Siri.
