Kreu i PD-së Sali Berisha në protestën e sotme u kërkoi qytetarëve të betoheshin të gjithë që nëse Rama nuk shkon në Kuvend më 2 mars për t’ju përgjigjur kërkesës për mocion me debat, interpelancë pyetje-përgjigje për “çështjen” McGonigal, do t’i shkojnë në Surrel.
“Le të betohemi këtu në emër të të gjithë atyre që përfaqësojmë që ai mocion po nuk u bë në parlament do të bëhet në Surrel.
Paqësor, urtë e butë. Por shpella e shtetit është Surreli. Ai nuk pranon të vijë, ne do shkojmë atje ku struket ai. Paqësisht do ja numërojmë të gjitha pikat e mocionit.
Surreli do të jetë objekt i revolucionit paqësor. Edhe pyetjet. I themi; kemi 13 pyetje o sulltan. Revolucioni nuk do të ndalet.”, tha ai.
