Policia e Shtetit është në gatishmëri edhe këtë të enjte, në lidhje me protestën e thirrur nga opozita, para Parlamentit.
Dy furgonë të Policisë së Shtetit dhe një autobot me ujë janë pozicionuar në gatishmëri të plotë pranë Ministrisë së Brendshme.
Në seancën e sotme plenare, do të mungojnë 12 deputetë demokratë që kanë shkaktuar kaos në seancat e shkuara.
Ata janë Sali Berisha, Flamur Noka, Edi Paloka, Belind Këlliçi, Luçiano Boçi, Ina Zhupa, Albana Vokshi, Luan Baçi, Tritan Shehu, Ervin Salianji, Gazment Bardhi dhe Bledion Nallbati.
Tubimi i PD përpara Parlamentit, zbulohet itinerari i protestuesve!
Ndërkohë në rendin e ditës të seancës së sotme është parashikuar të shqyrtohet kërkesa për shkarkimin e Lindita Nikollës si kryetare Kuvendi. Për këtë arsye seanca do të drejtohet nga Ermonela Felaj.
