Sot do të dalë përpara gjykatës së Apelit për të kërkuar lirinë nga qelia ish-shefja të kabinetit të Arben Ahmetajt, Alda Klosi, e akuzuar për “pastrim parash”, “fshehje dhe mosdeklarim të pasurisë” dhe “deklarim të rremë përballë OPGJ”.
Klosi ndodhet e arrestuar që prej 3 shkurtit pas dëshmisë së dhënë në polici nga pastruesja Rozeta Dobi, e cila pranoi se përveç 120 mijë eurove edhe shuma tjetër e parave mbi 400 mijë euro që u gjet në banesën e saj janë të Alda Klosit.
Sanitarja tha për hetuesit se kishte bashkëpunuar me Klosin dhe se paratë ia kishte dhënë vetë ajo për t’ia ruajtur pasi kishte konflikte me ish-bashkëshortin. Alda Klosi vetë, por edhe nëpërmjet avokatit i ka mohuar akuzat.
