Një aksident tragjik rreth orës 02:30 të ditës së sotme në aksin rrugor Berat-Ura e Kuçit i mori jetën një 28-vjeçari.
Makina e tij “Benz” doli nga rruga dhe më pas shpërtheu në flakë. I riu humbi jetën brenda makinës. Kliton Merkaj nuk mundi të dilte nga makina.
28-vjeçari ka qenë duke ardhur në Berat pasi po kthehej nga të afërmit dhe ka humbur kontrollin e makinës duke u përplasur fillimisht me shtyllën elektrike e më pas ka përfunduar në kanalin në anë të rrugës.
Kjo ishte tragjedia e dytë për familjen Merkaj në Berat. Një muaj më parë familja humbi djalin tjetër, 30-vjeç, që u gjet i mbytur në ujërat e lumit Osum.
Berat, i riu përplaset me shtyllën e ndriçimit dhe digjet brenda “Benz”-it
