Japoni do të emërojë një ambasador të posaçëm për Ballkanin Perëndimor. Lajmi u konfirmua nga kryeministri i Japonisë Fumio Kishida, i cili priti në një takim homologun shqiptar Edi Rama në Tokio.
“Qeveria e Japonisë angazhohet të emërojë një ambasador për Ballkanin Perëndimor” tha Kishida duke theksuar më tej rëndësinë e bashkëpunimit.
Kryeministri i Shqipërisë, Edi Rama e mirëpriti lajmin por kërkoi edhe heqjen e vizave. “Është e rëndësishme që Japonia të jetë më e pranishme në rajonin tonë.
Ne jemi larg gjeografikisht, por në një botë që është e përfshirë gjithmonë nga krizat dhe shqetësimet, na bashkojnë vlerat.
Shpresoj që qeveria japoneze të bëjë që shqiptarët të udhëtojnë pa viza dhe bashkëpunimi të forcohet” tha Edi Rama.
