Një shpërthim me eksploziv është regjistruar gjatë natës në oborrin e zyrave të OSHEE-së në Vaun e Dejës. Nga shpërthimi dy makinat që ishin të parkuara në oborr kanë pësuar dëmtime.
“Rreth orës 01:40, në fshatin Bushat, Vau i Dejës, në oborrin e zyrave të OSHEE-së, është hedhur dhe ka shpërthyer lëndë plasëse. Si pasojë e shpërthimit janë dëmtuar dy mjete të OSHEE, të parkuara në oborr” njofton policia.
Policia thekson se grupi i posaçëm hetimor i ngritur për zbardhjen e ngjarjes, ka siguruar prova që do të çojnë në identifikimin dhe kapjen e autorit/ëve. Nën drejtimin e Prokurorisë së Rrethit Gjyqësor Shkodër, vijon puna për zbardhjen e rrethanave të kësaj ngjarjeje.
