Ditën e sotme kryeministrja e Danimarkës, Mette Frederiksen do të vizitojë Tiranën ku do të pritet nga Edi Rama.
Frederiksen pritet që të mbërrijë në Tiranë rreth orës 10:30 ku do të mirëpritet në aeroport nga Kryenegociatorja me BE-në, Majlinda Dhuka dhe ambasadorja shqiptare në Danimarkë, Elida Petoshati.
35 minuta më vonë ajo pritet që të shkojë në Kryeministri ku do të takohet me kreun e qeverisë. Pas takimit kokë më kokë mes dy homologëve pritet që të zhvillohet një konferencë për shtyp.
Takimi zyrtar i kryeministres daneze pritet që të përfundojë pas orës 12:05 pas një dreke zyrtare mes dy delegacioneve.
