Lulzim Basha që është kryetari me letra i PD-së është bërë i gjallë duke reaguar përmes një postimi në Facebook për ditën e 8 Marsit duke kërkuar më shumë mundësi dhe mbështetje grave.
“Sot është dita për të nderuar sakrificat e pa kufi të grave, për të vlerësuar suksesin e tyre dhe për të reflektuar përballë nevojave dhe sfidave me të cilat përballen shumë prej tyre. Ato janë forca, pas çdo vështirësie, janë ngushëllimi pas çdo vështirësie, janë frymëzimi i çdo dite.
E siç ka thënë Margaret Thatcher – “Nëse e do një punë të mbaruar, kërkoja një gruaje.” Ajo që ne burrat duhet të bëjmë është t’u japim sa më shumë mundësi dhe mbështetje grave” shkruan ai.
Lulzim Basha prej një viti “de facto” ka dhënë dorëheqjen si kryetar i PD-së, por vetëm me fjalë, pasi me letra nuk pranoi kurrë që të dorëzonte firmën dhe vulën duke e komanduar në distancë përmes Enkelejd Alibeajt dhe Gazment Bardhit.
