Grupi i PD-së drejtuar nga Sali Berisha akuzon se dy TEC-et lundruese në gjirin e Vlorës, po kthehen njësoj si dy inceneratorët e Elbasanit dhe Fierit që nuk punojnë.
Zëdhënësja e Partisë Demokratike Floriana Garo ka deklaruar nga selia blu se kostoja e tyre është 90 mijë euro në ditë, ndërkohë nuk kanë prodhuar asnjë kilovatore energji elektrike.
“Kontrata parasheh një pagesë prej 68 milion euro nga qeveria shqiptare vetëm për qiranë. Që do të thotë rreth 90 mijë euro në ditë.
Dimri i parë iku dhe kriza e lajmëruar nga Rama nuk i ndezi TEC-et e Ballukut. Kësaj i thonë kontrata për të ndarë para me ministren që ka firmosur”, u shpreh Garo.
