Kandidati Belind Këlliçi në kuadër të turit të takimeve që ka ndërmarrë në Tiranë dhe rrethina, zhvilloi një bisedë me banorë të njësisë administrative Baldushk.
Në fjalën e tij ai theksoi se Erion Veliaj e ka përdorur fshatin vetëm për propagandë dhe vota, ndërsa nuk ka kryer asnjë investim në të.
“E kam thënë dhe më parë, ne po bëjmë takime me qytetarët ai po bën takime me administratën. Vjen mban fjalën para tyre, jemi mirë shumë, durtrokasin dhe ikin”.
Ai etiketoi në fjalën e tij edhe Policinë Bashkiake, e cila sipas tij është kthyer në një kamxhik ndaj qytetarëve të thjeshtë.
“Është pikërisht ajo polici Bashkiake e cila nuk e ka parë atë kullën pa leje që është bërë përballë zyrës së Veliajt. Pra për njerzit e thjeshtë për qytetarin për fshatarin është huri të fut Brenda në burg për dhjetë mijë lek të vjetra, pse ke hap një dritare, apo pse ke ndërruar pllakat e shtëpisë për kloinetët e tij ka tjetër sjellje”.
Ai premtoi se pas 14 Majit, Baldushku do ketë një administrator zonal që do zgjidhet prej vetë banorëve dhe jo një të emëruar nga nga Kryetari i Bashkisë, siç ka ndodhur deri më tani.
