Aksidentoi mbrëmjen e djeshme me pasojë vdekjen një 39-vjeçar dhe u largua menjëherë nga vendi i aksidentit, identifikohet, kapet dhe vihet në pranga, drejtuesi i automjetit.
I arrestuari është Ilia Vreto 49 vjeç, banues në Prrenjas. Ai akuzohet për shkelje të rregullave të qarkullimit rrugor dhe largim nga vendi i aksidentit.
Mbrëmjen e djeshme pranë fshatit Lumalas duke drejtuar automjetin tip “Volkswagen” 49-vjeçari ka aksidentuar këmbësorin Olger Zhuti 39 vjeç, banues në Korçë, i cili ka ndërruar jetë rrugës për në spital.
Drejtuesi i automjetit u largua menjëherë nga vendi i aksidentit, por u kap më pas nga shërbimet e Policisë.
Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme.
6 të vdekur dhe 5 të plagosur për 24 orë! Kush është fajtori për aksidentet?
