Në orët e para të ditës së sotme është qëlluar me breshëri kallashi në drejtim të një lokali në bulevardin “Donald Trump” në Kamëz. Ngjarja ka ndodhur rreth orës 05:10.
Nga plumbat janë thyer xhamat e lokalit në pronësi të N. M. Lokali në ato momente ka qenë i mbyllur dhe fatmirësisht nuk ka pasur të dëmtuar.
Grupi hetimor po punon për sqarimin e rrethanave të ngjarjes, identifikimin dhe kapjen e autorit.
