Në brigjet italiane po pritet të zbarkojnë mbi 685 mijë emigrantë të parregullt nga Libia. Ky alarm është dhënë në Itali në raportin e emigracionit që i dërgohet çdo javë qeverisë.
Në të gjithë vitin 2022, mbërritjet kishin qenë 104 mijë kur flukset ishin ende të frenuara nga pandemia, ndërsa tani fluksi është 7 herë më i madh.
Ndërkohë, një telefonatë ka alarmuar autoritetet italiane ku thuhej se një varkë me 47 persona në bord e nisur nga Libia ka humbur kontaktet.
“Kemi humbur kontaktet me 47 personat dhe jemi shumë të shqetësuar! E ashtuquajtura roje bregdetare libiane na tha se autoritetet italiane do të koordinonin shpëtimin, por nuk po japin asnjë informacion. Njerëzit duhet të shpëtohen dhe të sillen në siguri në Evropa tani,” kështu deklaroi Alarm Phone, një OJQ e krijuar nga një rrjet aktivistësh për të alarmuar shpëtimin në det.
