Indrit Sefa, përfaqësuesi ligjor i grupimit të Enkelejd Alibeajt në një deklaratë për mediat tha se Celibashi po kryen interpretime personale, duke shkelur ligjin. Gjithashtu ndër të tjera Sefa i ka bërë thirrje kryekomisjonerit të KQZ-së të mos vonoj me procesin.
“Komisionieri nuk po zbaton procedurat ligjore. Këto afate janë përcaktuar qartë, i bëj thirrje komisionerit që në një kohë sa më të shkurtër që të marrë përsipër kërkesat e PD-së.
Çdo moment që kalon është një shkelje e të drejtave ligjore. I bëj thirrje të mos vonojë, të regjistrojë PD si subjekt ligjor.
Të merren masa të menjëhershme. Dokumentacioni jonë është i plotë, interpretimet janë personale”tha Sefa.
Ndërkohë me herët KQZ ka njoftuar se nesër në orën 16:00 Komisioneri Shtetëror i Zgjedhjeve, Ilirjan Celibashi do të vendosë për fatin e PD-së drejtuar “de jure” nga Lulzim Basha nëse do të pranohet që të marrë pjesë në zgjedhjet vendore të 14 Majit.
