“Ne mbetemi një vend i njerëzve kryesisht tolerantë, mikpritës dhe bujarë,” ka qenë reagimi i parë i Gary Lineker pas rikthimit në BBC si komentues i ndeshjeve të Premier League.
Prezantuesi ishte shkarkuar për shkak të kritikave të tij ndaj politikës së azilit të qeverisë angleze, e cila shkaktoi dridhje si në BBC ashtu edhe në Westminster.
Legjenda britanike e futbollit komentoi -në një seri postimesh- për ripunësimin e tij në BBC.
Në to ai i referohet mbështetjes së madhe që ka pasur nga shumë njerëz të sportit dhe jo, nga kolegë të tij në emision.
Postimi i Gary Lineker
“Pas disa ditësh surrealiste, jam i kënaqur që arritëm ta lundrojmë këtë. Dua t’ju falënderoj të gjithëve për mbështetjen tuaj të jashtëzakonshme, veçanërisht kolegët e mi në BBC Sport, për shfaqjen e jashtëzakonshme të solidaritetit. Futbolli është një lojë ekipore, por mbështetja e tyre ishte e madhe.
Unë kam prezantuar sportin për BBC për gati 3 dekada dhe jam jashtëzakonisht krenar që punoj me transmetuesin më të mirë dhe më të drejtë në botë. Mezi pres të kthehem në karrigen e MOTD të shtunën.
Një mendim i fundit: sado të vështira kanë qenë ditët e fundit, thjesht nuk krahasohet me luftën. Niveli i ndjeshmërisë që keni të gjithë për njerëzit që janë të detyruar të migrojnë është prekës.
Ne mbetemi një vend i njerëzve kryesisht tolerantë, mikpritës dhe bujarë. Faleminderit.”
