Kryetari i PL-së, Ilir Meta pasditen e sotme ishte në Elbasan në krah të Luçiano Boçit në një takim me strukturat e partisë kryesore aleate të Sali Berishës. Ai shprehu besimin se të rinjtë do t’i japin goditjen finale Edi Ramës në 14 Maj.
“Do të kemi kartën e nxënësit përveçse të studentit. Të bashkojmë forcat për t’i dhënë jetë qytetit përmes ndryshimit. Ta kthejmë Elbasanin në një qendër të rëndësishme.
Rilindja ka politika anti-familje duke sjellë largimet masive. Me profesor Luçianon të rinjtë e Elbasanit do të gjejnë aleatin më të mirë.
Të rinjtë do të jenë një ortek që në 14 Maj do të shënojë triumfin e madh në të gjithë Shqipërinë” tha Meta.
