Kryetari i Iniciativës Evropiane të Stabilitetit (ESI), Gerald Knaus, ka bërë thirrje që Këshilli i Evropës ta shqyrtojë aplikimin e Kosovës për anëtarësim në këtë mekanizëm.
Kosova ka aplikuar për anëtarësim në Këshill të Evropës më 12 maj të 2022-së, ndërsa nuk ishte përfshirë në agjendë të Komitetit të Ministrave të KiE-së që ishte mbajtur më 20 maj.
Edhe pse Ministria e Punëve të Jashtme dhe Diasporës (MPJD) ka mohuar se procesi i anëtarësimit ka dështuar, njohësit e fushës kanë thënë se vonesat në këtë proces nuk janë lajme të mira për vendin.
E përfaqësuesi i Britanisë së Madhe, John Howell, në seancën e Asamblesë Parlamentare pati deklaruar se aplikimi i Kosovës në Këshillin e Evropës nuk duhet të mbahet peng i përparimit të dialogut me Serbinë.
Ndërsa, tani pas arritjes së marrëveshjes mes dy vendeve për normalizimin e raporteve që ndodhi më 18 mars në Ohër, kryetari i ESI ka thënë se nuk ka kuptim të insistohet për të drejtat e pakicave në Kosovë e të mos dëshirohet shtrirja e mbrojtjes së Gjykatës Evropiane të të Drejtave të Njeriut – mekanizëm i Këshillit të Evropës – për të gjithë kosovarët.
“A do të dërgohet aplikimi i Kosovës për anëtarësim në Këshillin e Evropës në Asamblenë Parlamentare të KiE-së tani? Nuk ka kuptim të këmbëngulet për të drejtat e pakicave në Kosovë e të mos dëshirohet shtrirja e mbrojtjes së Gjykatës Evropiane të të Drejtave të Njeriut për të gjithë qytetarët”, ka shkruar Knaus në rrjetin social Twitter.
🇽🇰🇪🇺
Will Kosovo’s application to join the @coe be sent to @PACE_News now?
It makes no sense to insist on minority rights & NOT want 🇽🇰 extending protection of European Court of Human Rights to all citizens.https://t.co/8TmgX7IEUG@ABaerbock @FrankSchwabe @ManuelSarrazin https://t.co/4mpNZKW203 pic.twitter.com/rWOQSlByZt
— Gerald Knaus (@rumeliobserver) March 21, 2023
