Drejtori i Zyrës për Kosovën në qeverinë e Serbisë, Petar Petkoviç është shprehur se kryeministri i Kosovës, Albin Kurti po mundohet të shpëtojë nga detyrimi për formimin e Bashkimit të Komunave Serbe.
Sipas Petkoviç marrëveshjet e arritura mes Kosovës dhe Serbisë duhet të zbatohen.
“Kurti mund të thotë çfarë të dojë për përdorimin e tij të brendshëm politik dhe të përpiqet të qetësojë atmosferën e ndezur politike dhe sulmet në Prishtinë, por detyrimi për formimin e Asociacionit është përcaktuar qartë në katër marrëveshje të vitit 2013 dhe 2015, të cilat janë të detyrueshme për Kurtin për letra ashtu siç janë shkruar,” theksoi ai.
Petkoviç shtoi se marrëveshjet e nënshkruara 10 vjet më parë nuk mund të ri negociohen apo ndryshohen.
