Pak ditë më parë qeveria vendosi që të miratonte vendimin për të shpallur lumin Vjosa Park Kombëtar. Por drejtuesi i Departamentit të Mjedisit të grupit të Sali Berishës, Jamarbër Malltezi thotë se realiteti në terren është krejt ndryshe nga sa shkruhet në letër, referuar kritereve.
“Në realitet:
- Ujërat e zeza të Gjirokastrës, Tepelenës, Përmetit dhe Memaliajt (si edhe dhjetëra fshatra gjatë udhës) derdhen në Vjosë (0 impiant trajtimi ujërash të zeza)
- Industria e naftës derdh mbetjet nga nxjerrja e naftës (psh Gorishti) – 0 impiant trajtimi ujërave të ndotura para se të derdhen në Vjosë.
- Shtrati i Vjosës dëmtohet çdo ditë nga guroret breglumore, përfshi ato të vëllait të Piro Lutaj në Poçem dhe Kapllan-pallatit në Varibob mu buzë Vjosës, por këtyre nuk ua ndjen fare për ligjin se i japin ryshfet e vota Sulltanit.
- Po me HEC-in Kalivaç dhe HEC-in Poçem, që ua dha Sulltani turqve, çfarë po bëhet? HEC-e në Park Kombëtar?” deklaroi ai.