Një ngjarje e rëndë është shënuar rreth orës 01:00 të mesnatës së sotme ku është qëlluar me armë drejt “Top Channel” dhe ka mbetur i vdekur një roje i sigurisë private.
Të shtënat me breshëri të armëve janë ndjerë edhe nga banorët në shtëpinë e “Big Brother Vip”, konkretisht Qetsori dhe Kristi të cilët janë shqetësuar nga breshëria e armës.
Në një moment Kristi e pyet se çfarë ishte kjo, ndërsa Qetsori që kthen kokën në momentin e të shtënave i thotë: Kallash!
Breshëri kallashnikovi janë regjistruar rreth orës 1:00 pas mesnate, në drejtim të godinës së “Top Channel” në Mëzez në Tiranë.
Persona ende të paidentifikuar kanë qëlluar dhe kanë lënë fillimisht të plagosur rojën e këtij institucioni, i cili ka ndërruar jetë rrugës për në spital.
Ka vdekur Pal Kola, 60 vjeç. Burime bëjnë me dije se një automjet është gjetur nga policia në autostradë duke u djegur, dyshohet e autorëve.
