Ndeshja mes Empolit dhe Leçes, e planifikuar fillimisht për në orën 18.30, do të nisë me një orë vonesë, pas shpërthimit të zjarrit në “Castellani”.
Shkak është bërë një problem në një qark të shkurtër, por pas ndërhyrjes në kohë, situata është normalizuar. Siç njofton Lega Serie A, sfida do të fillojë në orën 19:30.
Sa i përket ndeshjes, Empoli nuk po kalon një formë të mirë, pasi vjen pas katër humbjesh radhazi. Edhe Lecce duket në pozita të vështira, pasi numëron katër disfata të njëpasnjëshme.
