Një burrë në Britaninë e Madhe u dënua të hënën me më shumë se katër dekada për të qëlluar për vdekje një nëntë vjeçare.
Olivia Pratt-Korbel u vra gushtin e kaluar në qytetin veriperëndimor anglez të Liverpool, në atë që ishte sulmi i tretë vdekjeprurës në qytet brenda një jave.
Burri u dënua me burgim të përjetshëm, i cili kërkon një dënim minimal prej 42 vjetësh.
Gjyqi i të dyshuarit u mbajt për më shumë se tre javë nën masa të rrepta sigurie.
Sulmuesi, një tregtar droge, u dënua gjithashtu për tentativën e vrasjes së Joseph Nee, i cili ishte objektivi i tij i synuar.
Një juri e shpalli fajtor edhe për plagosjen e nënës së viktimës, Cheryl Korbel.
Personi i armatosur hapi zjarr në një rrugë të Liverpool-it teksa po ndiqte Nee, i cili ishte rivali i tij.
Nee u përpoq të futej me forcë në shtëpinë e Korbelit në një përpjekje për t’i shpëtuar të armatosurit dhe Korbel bllokoi derën.
Plumbi që vrau Olivian u qëllua nga dera e përparme, duke e goditur atë në gjoks. Ajo goditi edhe nënën e saj në dorë.
I pandehuri mohoi të kishte qëlluar dhe refuzoi të paraqitej në bankën e të akuzuarve për të dëgjuar gjyqtaren Amanda Yip të lexonte dënimin.
Avokati i të dënuarit të armatosur, John Cooper tha se ai nuk erdhi në gjykatë pasi mendonte se procedurat “po ktheheshin në një cirk”.
Yip e quajti të shtënat një “ekzekutim të planifikuar”, duke shtuar se megjithëse ai nuk e kishte vrarë objektivin e tij të synuar.
