Babë e bijë dhe dhëndri italian u plagosën mbrëmjen e djeshme në një lokal në Laprakë, Tiranë. Shkak i sherrit ishte një largim nga puna. Tre të plagosurit ndodhen në spital. Autori është Elton Mergjushi. 40-vjeçari arriti që të largohet nga vendi i ngjarjes.
Ai punonte në fabrikën e dhëndrit të familjes shqiptare, italianit Massimo Sorvillo dhe se ky i fundit e kishte hequr nga puna. Në lokal me italianin ishte edhe bashkëshortja e tij, Roxhersa Rrapollari dhe vjehrri i tij, 64-vjeçari Viktor Rrapollari.
64-vjeçari ka marrë një goditje me thikë në zemër dhe ndodhet në intubim, në gjendje të rëndë për jetën. Vajza e tij u plagos pasi në momentin e sulmit ndërhyri për të shpëtuar të atin. Britmat dhe ulërimat ngritën lokalin në këmbë. Policia erdhi me shpejtësi por autori u arratis.
Palosi një familje për pushimin nga puna! Çfarë ndodhi në Tiranë?
