Kryeministri Edi Rama ka shënjestruar pushtetin e katërt, median ditën e sotme për segmente të lidhura me krimin dhe korrupsionin.
“Media është një tjetër vatër korrupsioni që duhet patjetër të pastrohet, jo nga qeveria, por nga auto-rregullimi i famshëm.
Se unë nuk di…është korrupsion i një niveli kriminal pasi është i bazuar te shantazhimi, gjobëvënia e bizneseve, e aktorëve publikë për përfitime financiare të padeklaruara. Sikur nuk është e gjithë media ashtu.
Brenda pushtetit ka katërt ka segmente të korruptuara deri edhe kriminale, pastrim parash, evazion fiskal me përmasa të mëdha” tha ai.
“Një ministër në burg, dy të në burg, apo një ish-zv/ kryeministër nën hetim, edhe pse jo zyrtarisht…Çfarë do të thotë kjo?
Është pozitive kjo në luftën korrupsionit, apo negative? Çfarë keni pritur ju nga reforma në drejtësi, që unë e kam ideuar. Ju keni pritur që të konfirmojë që të gjithë janë engjëj apo djaj?” tha Rama.
