Presidentja e Kosovës, Vjosa Osmani në një intervistë për mediat austriake ka thënë se zbatimi i marrëveshjes mes Kosovës dhe Serbisë do t’i afrojë drejt BE-së dhe jo ndaj njëri-tjetrit.
“Jo më afër njëri-tjetrit, por më afër BE-së. Suksesi në procesin e udhëhequr nga BE do të sjellë më shumë stabilitet në rajon. Marrëveshja trajton Kosovën dhe Serbinë si palë kontraktuese për herë të parë.
Ajo njeh integritetin tonë territorial në përputhje me Kartën e OKB-së dhe siguron njohjen reciproke të dokumenteve dhe simboleve kombëtare. Më e rëndësishmja, në marrëveshje thuhet se Serbia nuk do ta kundërshtojë më anëtarësimin e Kosovës në organizatat ndërkombëtare.”, tha ajo.
