Zbardhet dinamika e sherrit në rrugën “Vaso Pasha” në zonën e ish-Bllokut në Tiranë, ku mbeti i vdekur Gentian Talja.
25-vjeçari i shpallur në kërkim, Henri Gjapi, është konfliktuar me 46-vjeçarin Gentian Talja, ndërsa ka ndërhyrë Artur Gjolena për t’i ndarë.
Talja dhe Gjapi kanë qenë të dy në gjendje të dehur rreth orës 02.00 pas mesnate të datës 31 mars dhe janë takuar krejt rastësisht në vendin ku ka ndodhur ngjarja. Nga kamerat e sigurisë del se Talja dhe Gjapi janë konfliktuar me duar.
Disa çaste më vonë 46-vjeçari është ndjerë keq si në një gjendje të fikti. Kamerat e sigurisë tregojnë momentin që i riu bie në tokë dhe godet me kokë bordurën e trotuarit.
Menjëherë pas ngjarjes janë dërguar në spital për ndihmë mjekësore të dy, duket qenë se njëri ka qenë i dehur dhe tjetri me plagë në kokë.
Në orët në vijim Gentian Talja ka qenë i vetëdijshëm dhe ka komunikuar, jashtë rrezikut për jetën.
Por, gjendja e tij është rënduar dhe ka pasur komplikacione dhe rreth orës 19:00 të pasdites teksa ka kaluar në gjendje kome. 46-vjeçari ka ndërruar jetë mbrëmjen e së martës.
