Presidenti i zgjedhur i Malit të Zi, Jakov Milatoviç ka thënë se ai beson që në Bosnjë dhe Hercegovinë është kryer gjenocid nga ana e Serbisë.
Ai ka thënë se Gjykata Ndërkombëtare e Drejtësisë ka qenë shumë e qartë kur ka vendosur për krimet që kanë ndodhur në Srebrenicë.
“Është shumë me rëndësi që Gjykata Ndërkombëtare disi e ka individualizuar gjenocidin në Srebrenicë. Në këtë kuptim, qëndrimi im është shumë i qartë si dhe Parlamenti i Malit të Zi ka miratuar tashmë një rezolutë për këtë çështje,” u shpreh Milatoviç.
“Është shumë me rëndësi që ne si rajon, së bashku, të bëjmë një gjykim për të kaluarën e vështirë. Një të kaluar si ajo e Srbrenicës, por gjithashtu e Jasenovçit, si dhe një të kaluar si ajo e Malit të Zi, e krimeve të mëdha në Piva, Velica… këto janë ato që unë qartazi i dënoj,” ka thënë Milatoviç për Al Jaziran.
