Real Madridi ka arritur të shënojë fitore ndaj Chelseat me rezultat 2-0 në kuadër të ndeshjes së parë çerekfinale në Champions League.
Chelsea kishte një start të mirë, duke rrezikuar portën e Thibaut Courtois, por nuk kishte sukses.
Madrilenët arritën të shënonin që në minutën e 21-të, pas një aksioni të mirë, ku Dani Carvajal asistoi te Vinicius Junior që gjuajti në portën e Keppa Arizabalaga që priti gjuajtjen, ndërsa nga topi i kthyer shënoi Karim Benzema për 1-0.
Chelse ishte afër të barazojë menjëherë, por goditja nga afër e Raheem Sterling u ndal nga Courtois.
Në pjesën e dytë Real Madridi ishin edhe më kërkues, duke rrezikuar më shumë.
Chelsea mbeti me një lojtarë më pak kur në minutën e 59-të, Ben Chilwell u ndëshkua me karton të kuq direkt.
Në minutën e 74-të erdhi goli i dytë, kur Vinicius asistoi te Marco Asensio i cili shënoi gol të bukur për 2-0 vetëm pas 3 minutash pasi u bë pjesë e lojës.
Real Madridi merr një fitore të madhe në Santiago Bernabeu para ndeshjes kthyese që zhvillohet pas një jave në “Stamford Bridge”.
