Presidentja e Kosovës Vjosa Osmani, ka vizituar Kalabrinë në Itali, me ftesë të komunitetit të arbëreshëve të këtij rajoni.
Në lidhje me vizitën e Osmanit në Kalabri ka reguar edhe kreu i PL-së Ilir Meta i cili në një postim në facebook shkruan se Shqipëria dhe Kosova duhet të bashkëpunojnë ngushtësisht për të mbështetur komunitetin Arbëresh në Itali.
“Jam shumë i lumtur që Presidentja e Kosovës znj. Vjosa Osmani po zhvillon një vizitē të rëndësishme në komunitetin e jashtëzakonshëm Arbëresh në Kalabri.
Shqipëria dhe Kosova duhet të bashkëpunojnë ngushtësisht për të mbështetur komunitetin Arbëresh në Itali në ruajtjen e identitetit të tyre kulturor e gjuhësor, si pjesë me vlerë e rëndësi historike e identitetit dhe e kulturës mbarë shqiptare.”, shkruan Meta.
