Kryeministri Edi Rama ka zhvilluar një takim me përfaqësues të biznesit të madh në qytetin e Durrësit, ku u shpreh se brenda këtij mandati paga minimale do të shkojë në 45 mijë lekë.
“Ajo që ka më shumë rëndësi për ne është që të paktën arsyeja e trajtimit dinjitoz të punonjësve, nuk duhet të jetë problem por përkundrazi duhet të jetë zgjidhja e problemit.
Të gjitha sipërmarrjet të rendin të rrisin pagat dhe të mbajnë të paprekur kapitalin njerëzor
sepse kur ta humbasin, do jetë shumë vonë.
Kur mos të gjejnë më punonjës që duan të vijnë dhe punojnë me paga shfrytëzimi në kohën ku punojmë, do jetë shumë vonë për ta. E gjithë mungesa e respektit ndaj punonjësve do jetë boomerang ndaj këtyre kompanive
Ne do kishim dashur ta bënim që në fillim, por s’ka qenë e mundur, Pagat rriten, sepse ta lejon arka e shtetit. Kjo rritje e pagave që po bëjmë tani është rezultat i punës që është bërë dhe duhet të vazhdojë dhe të ketë rritje pagash në fillim. Ka shumë akoma për të bërë”, tha mes tjerash Rama.
