Festat janë një nga arsyet që risjellin të gjithë emigrantët në vendlindje. Krishtlindje, Viti i Ri dhe shumë festa të tjera janë arsyeja që shqiptarët nga mbarë bota rikthehen të kalojnë momente me të afërmit e tyre në Shqipëri.
Me rastin e Pashkëve shumë emigrantë kanë vendosur të kalojnë ditët e pushimit në Shqipëri ç’ka ka sjellë radhë të gjata në pikat kufitare në Kakavijës dhe Kapshticë.
Por fluksi i ka detyruar që të kalojnë shumë kohë në radhë, edhe kësaj here për shkak të sporteleve të pakta që kanë qenë në dispozicion nga pala greke.
Sipas të dhënave nga Drejtoria e Kufirit dhe Emigracionit gjatë 24 orëve të fundit në Kakavijë ka patur një fluks prej rreth 5000 personash në hyrje të Shqipërisë dhe 4000 në dalje. E po ashtu, mbi 5000 qytetarë kanë hyrë edhe nga Kapshtica.
Në Kapshticë po punohet me 5 sportele, 4 në dalje dhe 1 në hyrje.
