Ministrja e Shëndetësisë Ogerta Manastirliu ishte e para që vizitoi kryeministrin Edi Rama mëngjesin e sotëm në QSUT ku është i shtruar në spital për shkak se hoqi apendesitin.
Operacioni u krye nga mjekët e spitalit universitar “Nënë Tereza” nën drejtimin e shefit të kirurgjisë, Arben Gjata, i cili disa orë pas ndërhyrjes, njoftoi se kryeministri është në gjendje të mirë shëndetësore.
“Si operacion shkoi mirë. Gjendja post-operatore është stabël, është gjendje e mirë, pa temperaturë, pa probleme. Sot besoj se do të fillojë edhe të ushqehet. Besoj se brenda 24 orëve mund të largohet për në shtëpi” tha ai.
I pyetur nëse do të jetë në gjendje që të zhvillojë takime elektorale, mjeku tha se kryesocialisti mund të dalë për 2 ose 3 ditë.
“Mund të ecë vetë deri sot. Në fushatë varet, për 2-3 ditë. Është operuar në sallat që kemi pasur! Ishte në gjendje të mirë komunikon normalisht” tha ai.
Si është Rama dhe kur do të dalë nga spitali? Mjeku: E operuam në 2 të natës
