Përveç qytetarëve, kritik i opinionistëve të Big Brother Vip, Arbër Hajdarit dhe Zhaklin Lekatarit ka qenë edhe opinionisti i njohur Arjan Konomi. Më herët ai i ka konsideruar dy opinionistët e BBV si opinionistë të diskutimit me nivel të ulët dhe mediokër.
Përmes një postimi në rrjetet sociale Konomi tha se teksa i dëgjon kur japin opinionet e tyre i duket sikur shikon njerëz mediokër të cilët diskutojnë në një lokal periferie.
“Tek i dëgjoja mu duk sikur po shikoja njerëz të rëndomtë, mediokër që diskutojnë në një lokal periferie dhe japin e marrin, thonë e stërthonë, e kthejnë e debatojnë në mënyrën më vulgare në një spektakël që imagjo se sa shije të hidhur që të lë”, shprehej ai në rrjetet e tij sociale.
Ndërkohë, gjatë ditëve të fundit lart e poshtë po qarkullojnë zëra se Arjan Konomi ka shkëputur kontratën e punës me “Top Channel”.
Zëra pranë opinionistit spekulojnë që arsye janë saktësisht deklaratat e bëra për dy kolegët e tij. Ndërkohë deri më tani lidhur me këto lajme që qarkullojnë koridoreve nuk ka asnjë reagim nga vetë Arjani apo nga televizioni, por një tjetër gjë që kemi vënë re është fakti se opinionisti ka munguar këto ditët e fundit në “Përputhen” dhe se ndodhet në Londër.
